詠春試堂

市面上有些師傅會提供試堂; 有些則"非誠勿擾", 交咗學費先講. 其實兩種都無問題, 沒有邊種係適合唔適合.

我自已倒沒有所謂, 你有興趣可以上嚟睇睇, 落場玩下都無仲得. 學拳同教拳都會有自己嘅目標同原則. 有時試堂可以提供到一個緩衝區俾大家. 

有些性急學生諗住學3個月變<葉問>, 一個打十個, 佢黎到試堂後發覺原來要學基本功, 再學進退馬, 再學...大家知道理念不同, 無謂浪費大家時間. 好處係我又無收學費, 佢明白咗唔係佢杯茶, 大家可以"因了解而分開", 不留任何瓜葛. 我倒不喜歡有些人當初滿腔熱誠交晒學費, 以為一上堂就可以變<葉問>, 點知一切由基本功學起. 到時佢學得唔開心, 我亦教得無癮, 最後不歡而散仲無謂. 如果有興趣學詠春嘅朋友, 想真正學之前了解咩係詠春, 可以過嚟睇睇, 無任歡迎!


Sifu Kelvin 
詠春拳教學分享

武術頻道