詠春手法 - 攤手

詠春手法 - 攤手

攤手 - 詠春入門手法. 主要用於防範對手向我方正面嘅中路(肩至胸部)攻擊.
基本上可視為防衛手, 預備式; 但其實亦可用於攻擊(向對方頸部攻擊).
外觀上只係一手手掌攤開平放, 另一手放於心口做護手.

自從<葉問>系電影熱爆後, 其他電影電視但凡講到詠春, 都會以攤手為招牌動作.

(正確示範)

事實上, 攤手要做得好, 當中大有學問, 先講定型位置.
(以左手為攤手) 左手肘與身體約1~1.5拳頭位, 手肘盡量埋中線 (至少唔可以飛踭) 前臂向前伸出, 手掌與前臂需成一直線, 不可彎曲! (手腕彎曲即表示你d力放咗o係手腕, 肘底力散咗, 黐手時容易俾人借力, 人地一索手, 包你向前卜直)
指尖高低位置, 應在肩水平附近 (攤手放得太低, 基本上就防衛唔到, 一拳直入心口; 放得太高, 一定無結構力, 肘底力, 一拍一推即散!

攤手結構講求三角力, 由手腕, 手肘至肩膀.
位置正確, 自然可以放鬆運用到結構力 ;
位置不正確, 咪要用死力嚟谷住前臂, 但效果卻事倍功半呢!

(是否正確, 一睇就知)

整個動作, 力點在手肘, 不是在手腕, 也不是在前臂.
前臂與手掌只需保持結構即可, 無需谷住d 力.
最後記得放返隻護手! 詠春手法一定係兩手一起"做事".
"無事"做的手就做返護手, 不可"懶惰"!



Sifu Kelvin

詠春拳教學分享

武術頻道